«Шындық детекторы» ойыны

Базалық деңгей А2  тобы тыңдаушыларына  «Ауыспалы осы шақ» грамматикалық тақырыбына қатысты   «Шындық детекторы» ойынын жүргізуге болады. Ойын сұрақ-жауап түрінде өткізіледі.

Тыңдаушыға 9-10 сұрақ қойылады. Тыңдаушылар оның 9-на дұрыс жауап береді де, біреуіне жалған жауап береді. Қалған тыңдаушылар жалған жауапты анықтаулары қажет.Шарты: Жауап беру барысында  сөйлемді болымды немесе болымсыз түрде толық жауап беру міндетті.

1. Сізге өз қызметіңіз ұнай ма?

2. Сіз жұмыста жиі шай ішесіз бе?

3. Құжаттармен күні-түні жұмыс істеген ұнай ма?

4. Жұмыстан сағат алтыда қайтасыз ба?

5. Сыйақыңызды үнемі жолдасыңызға бересіз бе?

6. Сіз сенбі, жексенбі күні де жұмыс істейсіз бе?

7. Сіз жұмысқа үнемі кешігесіз бе?

8. Үйге тек таксимен қайтасыз ба?

9. Бөлім басшысымен жиі ұрсысасыз ба?

10.Сіз басқа жұмысқа ауысасыз ба?

 

Орта деңгей В1 тобы тыңдаушыларына  «Өз үйім - өлең төсегім» тақырыбына қатысты   «Шындық детекторы» ойынын өткізуге болады.

Шарты: Жауап беру барысында сөйлемдерді қалау райда болымды немесе болымсыз  түрде жауап беру міндетті.

 

1. Сіз миллионердің үйін сатып алғыңыз келе ме?

2. Үйіңізге жөндеу жұмыстарын жүргізгіңіз келе ме?

3. Сіз жатақханада тұрғыңыз келе ме?

4. Үйіңізді сатқыңыз келе ме?

5. жиһаздарды терезеден лақтырғыңыз келетін кездер бола ма?

6. жаңа үйіңізді досыңыздың туған күніне сыйлағыңыз келе ме?

7. қабырғаны ақ балшықпен ақтағыңыз келе ме?

8. Еденге паркет төсегіңіз келе ме?

9. Киіз үйде тұрғыңыз келе ме?

10. Үй салғыңыз келе ме?